1Sa 13:13 | PMA | STEP | Katau en avong enek, keil uva ris keke avavae vatal me-Filistia keil. Ka navong me-Isrel keil ales keil, ametau houlu veni alesi keke me-Filistia keil avi houlu ramat. Sol rosin provet Samuel vamai voumon sanien votut vahina min Iahova, hevus, avava suk en vaeen. Ka Samuel rokalahtei vamei. Sakini, Sol, kei enges, mum sasen en sanien votut koanek. Sakien koanek sakin Iahova vuroh kat Sol. Navong Samuel kistal ka lesi keke Sol mumon sanien votut tuai, kei selus keih mini vit, “!Ei, komumon tounah hit kovi varu! Keik kormusiltei mengkatien keil onen Iahova koa vi Ahi onom. Munak kovousil mengkatien keil onen, kei vamaenuk ka natmali keil koa ikistal ika enuk keke avalosil kat me-Isrel keil heha vio ... keite teni hetovuol.

1 Samuel 13:13

Iahova Sesein Losilkatien Onen Sol Veni Romusil Kattei Ren

1 Samuel 13:13-15; 15:1-4,7-23,27-29,34-35

Katau en avong enek, keil uva ris keke avavae vatal me-Filistia keil. Ka navong me-Isrel keil ales keil, ametau houlu veni alesi keke me-Filistia keil avi houlu ramat. Sol rosin provet Samuel vamai voumon sanien votut vahina min Iahova, hevus, avava suk en vaeen. Ka Samuel rokalahtei vamei. Sakini, Sol, kei enges, mum sasen en sanien votut koanek. Sakien koanek sakin Iahova vuroh kat Sol.

13 Navong Samuel kistal ka lesi keke Sol mumon sanien votut tuai, kei selus keih mini vit, “!Ei, komumon tounah hit kovi varu! Keik kormusiltei mengkatien keil onen Iahova koa vi Ahi onom. Munak kovousil mengkatien keil onen, kei vamaenuk ka natmali keil koa ikistal ika enuk keke avalosil kat me-Isrel keil heha vio ... keite teni hetovuol.